ئه‌م میهره‌جانه‌ كه‌ به‌رِێوبه‌رایه‌تی هونه‌ری سینه‌مای وه‌زاره‌تی رۆشنبیری به‌ چاودێری به‌رِێز (نێچیرڤان بارزانی) سه‌رۆكی حكومه‌تی هه‌رێمی كوردستان، له‌ هۆڵی گه‌لی هه‌ولێری پایته‌خت ئه‌نجامیدا، ماوه‌ی 4 رۆژی خایند تێیدا 50 كورته‌ فیلم نمایشكرا، كه‌ 25یان به‌رهه‌می به‌رِێوه‌به‌رایه‌تی سینه‌مای وه‌زاه‌رتی رۆشنبیری بوون و 25 دیكه‌ به‌رهه‌می ده‌ره‌وه‌ی هه‌رێمی كوردستان بوون.
كورته‌ فیلمه‌ به‌شداربووه‌كان:
- كورته‌ فیلمی (باوك) له‌ده‌رهێنانی هیشام زه‌مان، ماوه‌ی فیلم 10 خوله‌كه‌ به‌رهه‌می وڵاتی نه‌رویژ.
- كورته‌ فیلمی (ر ادیۆ) له‌ده‌رهێنانی فه‌تحی ئێڤاری، ماوه‌ی فیلم 3 خوله‌ك، به‌رهه‌می باشووری كوردستان.
- كورته‌ فیلمی (ماشێن) له‌ده‌رهێنانی رادۆی نیكۆلۆڤ، ماوه‌ی فیلم 20 خوله‌ك، به‌رهه‌می وڵاتی بولگاریا.
- كورته‌ فیلمی (میلۆدی ژیان) له‌ده‌رهێنانی هشیار زێرِۆ، ماوه‌ی فیلم 8 خوله‌ك، به‌رهه‌می باشووری كوردستان.
- كورته‌ فیلمی (ئاشتی) له‌ده‌رهێنانی ئه‌رنسۆ ئه‌رسه‌لان، ماوه‌ی فیلم 5 خوله‌ك، به‌رهه‌می باشووری كوردستان.
- كورته‌ فیلمی (رێبوارانی دۆڵی هه‌نار) له‌ده‌رهێنانی ئه‌شكان ئه‌حمه‌دی، ماوه‌ی فیلم 11 خوله‌ك، به‌رهه‌می رۆژهه‌ڵاتی كوردستان.
- كورته‌ فیلمی (هه‌موو ژیانی من) له‌ده‌رهێنانی سالم سه‌له‌واتی، ماوه‌ی فیلم 30 خوله‌ك، به‌رهه‌می رۆژهه‌ڵاتی كوردستان.
- كورته‌ فیلمی (هاوێنه‌) له‌ده‌رهێنانی محه‌مه‌د فاروق، ماوه‌ی فیلم 4 خوله‌ك، به‌رهه‌می باشووری كوردستان.
- كورته‌ فیلمی (پیاوی كۆتی سپی پۆش) له‌ده‌رهێنانی یۆكسیل یافوز، ماوه‌ی فیلم 20 خوله‌ك، به‌رهه‌مه‌ی باكووری كوردستان.
- كورته‌ فیلمی (تیرۆرست) له‌ده‌رهێنانی سامی جوندی، ماوه‌ی فیلم 2 خوله‌ك، به‌رهه‌می رۆژهه‌ڵاتی كوردستان.
- كورته‌ فیلمی (كوێستانی سپی) له‌ده‌رهێنانی ته‌ها كه‌ریمی، ماوه‌ی فیلم 30 خوله‌ك، به‌رهه‌می رۆژهه‌ڵاتی كوردستان.
- كورته‌ فیلمی (مرۆڤ و ئه‌نیمێیشن) له‌ده‌رهێنانی توانا مه‌رجان، ماوه‌ی فیلم 6 خوله‌ك، به‌رهه‌می باشووری كوردستان.
- كورته‌ فیلمی (ئه‌درێس) له‌ده‌رهێنانی به‌هنام سفری، ماوه‌ی فیلم 5 خوله‌ك، به‌رهه‌می رۆژهه‌ڵاتی كوردستان.
- كورته‌ فیلمی (پیاوێك به‌تارای بوكێنی) له‌ده‌رهێنانی كرمانج مسته‌ف، ماوه‌ی فیلم 6 خوله‌ك، به‌رهه‌می باشووری كوردستان.
- كورته‌ فیلمی (ئاڤا ره‌ش) له‌ده‌رهێنانی ساهیم خه‌لیفه‌، ماوه‌ی فیلم 20 خوله‌ك، به‌رهه‌می رۆژئاوای كوردستان – وڵاتی به‌لژیكا.
- كورته‌ فیلمی (كامێرا) له‌ده‌رهێنانی سه‌یفه‌ددین جه‌باری، ماوه‌ی فیلم 9 خوله‌ك، به‌رهه‌می رۆژهه‌ڵاتی كوردستان.
- كورته‌ فیلمی (خه‌یاڵی زه‌رد) له‌ده‌رهێنانی ناسرینك به‌خت، ماوه‌ی فیلم 20 خوله‌ك، به‌رهه‌می رۆژهه‌ڵاتی كوردستان.
- كورته‌ فیلمی (ئازاره‌كانی گومانێك) له‌ده‌رهێنانی ئازاد سه‌وزه‌، ماوه‌ی فیلم 8 خوله‌ك، به‌رهه‌می باشووری كوردستان.
- كورته‌ فیلمی (دوایین یاری) له‌ده‌رهێنانی موژده‌ ئه‌رسه‌لان، ماوه‌ی فیلم 12 خوله‌ك، به‌رهه‌می باكووری كوردستان – وڵاتی فه‌ره‌نسا.
- كورته‌ فیلمی (ده‌مژمێر 11) له‌ده‌رهێنانی مه‌هدی حه‌سه‌ن، ماوه‌ی فیلم 9 خوله‌ك، به‌رهه‌می باشووری كوردستان.
- كورته‌ فیلمی (وێستگه‌ی میترۆ) له‌ده‌رهێنانی ژیار گوڵ، ماوه‌ی فیلم 6 خوله‌ك، به‌رهه‌می وڵاتی كه‌نه‌دا.
- كورت فیلمی (گه‌رماوی زه‌وی) له‌ده‌رهێنانی ژینالی، ماوه‌ی فیلم 10 خوله‌ك، به‌رهه‌می رۆژهه‌ڵاتی كوردستان – وڵاتی كۆریا.
- كورته‌ فیلمی (ئه‌نته‌رمات) له‌ده‌رهێنانی جه‌سوور جه‌نگ، ماوه‌ی فیلم 10 خوله‌ك، به‌رهه‌می باشووری كوردستان.
- كورته‌فیلمی (خاك) له‌ده‌رهێنانی كازیم ئۆز، ماوه‌ی فیلم 29 خوله‌ك، به‌رهه‌می باكووری كوردستان.
- كورته‌ فیلمی (لافیته‌) له‌ده‌رهێنانی رزگار سدیق، ماوه‌ی فیلم 4 خوله‌ك، به‌رهه‌می باشووری كوردستان.
- كورته‌ فیلمی (خلیسكێن له‌ژێر پایه‌ی داپیره‌كا) له‌ده‌رهێنانی كاوه‌ كیانی، ماوه‌ی فیلم 6 خوله‌ك به‌رهه‌می رۆژهه‌ڵاتی كوردستان.
- كورته‌ فیلمی (دوهی) له‌ده‌رهێنانی محه‌مه‌د عه‌لی ئه‌تروشی، ماوه‌ی فیلم 12 خوله‌ك، به‌رهه‌می باشووری كوردستان.
- كورته‌ فلیمی (ده‌نگی ساز دێت) له‌ده‌رهێنانی جه‌لال سه‌عاده‌ت په‌ناه، ماوه‌ی فیلم 21 خوله‌ك، به‌رهه‌می باشووری كوردستان.
- كورته‌ فیلمی (پلیكانه‌) له‌ده‌رهێنانی هێرش عه‌بدولوه‌هاب، ماوه‌ی فیلم 4 خوله‌ك، به‌رهه‌می باشووری كوردستان.
- كورته‌ فیلمی (خوده‌) له‌ده‌رهێنانی زوهێر عه‌بدولمه‌سیح، ماوه‌ی فیلم 6 خوله‌ك، به‌رهه‌می باشووری كوردستان.
- كورته‌ فیلمی (ره‌نج) له‌ده‌رهێنانی ماشائه‌لا محه‌مه‌دی، ماوه‌ی فیلم 1 خوله‌ك، به‌رهه‌می رۆژهه‌ڵاتی كوردستان.
- كورته‌ فیلمی (دوایین ئاره‌زوو) له‌ده‌رهێنانی حه‌سه‌ن عه‌لی، ماوه‌ی فیلمی 8 خوله‌ك، به‌رهه‌می باشووری كوردستان.
- كورته‌ فلمی (ده‌مژمێرێك به‌ر له‌ئێستا) له‌ده‌رهێنانی حوسێن حه‌سه‌ن، ماوه‌ی فیلم 25 خوله‌ك، به‌رهه‌می باشووری كوردستان.
- كورته‌ فیلمی (خۆر) له‌ده‌رهێنانی مه‌ریوان ئیبراهیم، ماوه‌ی فیلمی 15 خوله‌ك، به‌رهه‌می باشووری كوردستان.
- كورته‌ فیلمی (له‌وێ وه‌ستابوو له‌ شوێنی گه‌نمه‌كه‌) له‌ده‌رهێنانی به‌هنام سفری، ماوه‌ی فیلم 5 خوله‌ك، به‌رهه‌می رۆژهه‌ڵاتی كوردستان.
- كورته‌ فلیمی (درز) له‌ده‌رهێنانی ئه‌میر ته‌ها، ماوه‌ی فیلم 9 خوله‌ك، به‌رهه‌می باشووری كوردستان.
- كورته‌ فیلمی (گۆرانیه‌ك بۆ بێستوون) له‌ده‌رهێنانی ئیره‌ج محه‌مه‌دی، ماوه‌ی فیلم 15 خوله‌ك، به‌رهه‌می رۆژهه‌ڵاتی كوردستان.
- كورته‌ فیلمی (چوارچێوه‌ی فیلمی شكاو) له‌ده‌رهێنانی دلشاد به‌رواری، ماوه‌ی فیلم 12 خوله‌ك، به‌رهه‌می باشووری كوردستان.
- كورته‌ فیلمی (ناسنامه‌) له‌ده‌رهێنانی نه‌زمی كرك، ماوه‌ی فیلم 10 خوله‌ك، به‌رهه‌می باكووری كوردستان.
- كورته‌ فیلمی (سه‌فه‌ری سارد) له‌ده‌رهێنانی نه‌جات ناوی، ماوه‌ی فیلم 4 خوله‌ك، به‌رهه‌می باشووری كوردستان.
- كورته‌ فیلمی (جۆرێكی تر بوون) له‌ده‌رهێنانی ماشائه‌ڵا محه‌مه‌دی، ماوه‌ی فیلم 2 خوله‌ك، به‌رهه‌می رۆژهه‌ڵاتی كوردستان.
- كورته‌ فیلمی (ئامێزی خاك) له‌ده‌رهێنانی شاخه‌وان ئیدریس، ماوه‌ی فیلم 6 خوله‌ك، به‌رهه‌می باشووری كوردستان.
- كورته‌ فیلمی (دیاری نادیار) له‌ده‌رهێنانی عه‌تا سه‌لیم پوور، ماوه‌ی فیلم 10 خوله‌ك، به‌رهه‌می رۆژهه‌ڵاتی كوردستان.
- كورته‌ فلیمی (وێنه‌گر) له‌ده‌رهێنانی مه‌له‌ك ره‌سولی، ماوه‌ی فیلم 4 خوله‌ك، به‌رهه‌می باشووری كوردستان.
- كورته‌ فیلمی (نوێنی به‌تینی خه‌ونێك) له‌ده‌رهێنانی تۆفیق ئه‌مانی، ماوه‌ی فیلم 10 خوله‌ك، رژهه‌ڵاتی كوردستان.
- كورته‌ فلیمی (ئاوێنه‌) له‌ده‌رهێنانی خالید حه‌مه‌لاو، ماوه‌ی فیلم 10 خوله‌ك، به‌رهه‌می باشووری كوردستان.
- كورته‌ فلیمی (ده‌مامكی شوشه‌یی) له‌ده‌رهێنانی حوسێن سێوه‌دین، ماوه‌ی فیلم 18 خوله‌ك، به‌رهه‌می باشووری كوردستان – وڵاتی سوید.
- كورته‌ فیلمی (ژیان) له‌ده‌رهێنانی یوسف برادۆستی، ماوه‌ی فیلمی 15 خوله‌ك، باشووری كوردستان.
- كورته‌ فلیمی (له‌دیكبوونی راوچیه‌ك) له‌ده‌رهێنانی حه‌مید قه‌وامی، ماوه‌ی فیلم 5 خوله‌ك، به‌رهه‌می رۆژهه‌ڵاتی كوردستان.
- كورته‌ فلیمی (په‌یژان) له‌ده‌رهێنانی نه‌زیر كۆركی، ماوه‌ی فیلم 7 خوله‌ك، به‌رهه‌می باشووری كوردستان.
له‌دوایین رۆژی میهره‌جان كه‌ دوێنی پێنچشه‌ممه‌ بوو، خه‌ڵات به‌سه‌ر فیلمه‌ به‌شداربووه‌كان دابه‌شكرا كه‌ به‌م شێوه‌یه‌ بوو:
سه‌ره‌تا شه‌ش برِوانامه‌ی رێزلێنان و دیاریه‌ك كه‌ پێكهاتبوو له‌ 15 فیلمی دی ڤی دی ئۆرجینال به‌خشرایه‌ شه‌ش كورته‌ فیلمی به‌شداربووی میهره‌جان، كه‌ ئه‌مانه‌ بوون:
- كورته‌ فیلمی (ده‌مژمێر 11) له‌ده‌رهێنانی مه‌هدی حه‌سه‌ن، به‌رهه‌می باشووری كوردستان.
- كورته‌ فیلمی (ئاوێنه‌) له‌ده‌رهێنانی خالید حه‌مه‌لاو، به‌رهه‌می باشووری كوردستان.
- كورته‌ فیلمی (رادیۆ) له‌ده‌رهێنانی فه‌تحی ئێڤاری، به‌رهه‌می باشووری كوردستان.
- كورته‌ فیلمی (ئامێزی خاك) له‌ده‌رهێنانی شاخه‌وان ئیدریس، به‌رهه‌می باشووری كوردستان .
- كورته‌ فیلمی (ئه‌نته‌رمات) له‌ده‌رهێنانی جه‌سوور جه‌نگ، به‌رهه‌می باشووری كوردستان.
- كورته‌ فیلمی (چوارچێوه‌ی شكاو) له‌ده‌رهێنانی دلشاد به‌رواری، به‌رهه‌می باشووری كوردستان.
لێژنه‌ی دادوه‌ری میهره‌جان شه‌ش خه‌ڵاتی چڵه‌ به‌رِوی زێرِینی دابه‌شكرد كه‌ خه‌ڵاتی دیاریكراوی ئه‌م میهره‌جانه‌ بوو، له‌وانه‌ش 3 خه‌ڵات به‌خشرایه‌ كورته‌ فیلمه‌كانی به‌رهه‌می به‌رِێوه‌به‌رایه‌تی سینه‌مای وه‌زاره‌تی رۆشنبیری حكومه‌تی هه‌رێمی كوردستان، 3 فیلمه‌كه‌ی دیكه‌ش كه‌ به‌رهه‌می وڵاتی بیانی بوون، به‌م شێوه‌یه‌:
كورته‌ فیلمه‌كانی به‌رهه‌می به‌رِێوبه‌رایه‌تی سینه‌ما كه‌ ئه‌م خه‌ڵاته‌یان به‌ده‌ستهێنا ئه‌مانه‌ بوون:
- كورته‌ فیلمی (رێبوارانی دۆڵی هه‌نار) له‌ده‌رهێنانی ئه‌شكان ئه‌حمه‌دی، به‌رهه‌می رۆژهه‌ڵاتی كوردستان.
- كورته‌ فیلمی (كامێرا) له‌ده‌رهێنانی سه‌یفه‌دین جه‌باری، به‌رهه‌می باشووری كوردستان.
- كورته‌ فیلمی (میلۆدی ژیان) له‌ده‌رهێنانی هشیار زێرِو، به‌رهه‌می باشووری كوردستان.
هه‌ر له‌ به‌رهه‌مه‌كانی به‌رِێوبه‌رایه‌تی سینه‌ما لێژنه‌ی دادوه‌ری كورته‌ فیلمی (مرۆڤ و ئه‌نیمه‌یشن) له‌ده‌رهێنانی توانا مه‌رجان خه‌ڵاتكرد وه‌ك كارێكی نوێ له‌ سینه‌ما كوردی.
پاشان 3 خه‌ڵاتی دیكه‌ به‌خشرایه‌ فیلمه‌ سه‌ركه‌وتووه‌كانی به‌رهه‌می ده‌ره‌وه‌ی هه‌رێمی كوردستان كه‌ ئه‌مانه‌ بوون:
- كورته‌ فیلمی (وێستگه‌ی میترۆ) له‌ده‌رهێنانی ژیار گوڵ، به‌رهه‌می وڵاتی گه‌نه‌دا.
- كورته‌ فیلمی (باوك) له‌ده‌رهێنانی هیشام زه‌مان، به‌رهه‌می وڵاتی نه‌رویژ.
- كورته‌ فلیمی (كوێستانی سپی) له‌ده‌رهێنانی ته‌ها كه‌ریمی، به‌رهه‌می رۆژهه‌ڵاتی كوردستان.
پاشان لێژنه‌ی دادوه‌ری خه‌ڵاتێكی تایبه‌تی به‌خشیه‌ كورته‌ فیلمی (ده‌مژمێرێك به‌ر له‌ئێستا) له‌ده‌رهێنانی حوسێن حه‌سه‌ن، به‌رهه‌می باشووری كوردستان.
دواتر خه‌ڵاتی بینه‌ران به‌خشرایه‌ كورته‌ فیلمی (دوهی) له‌ده‌رهێنانی محه‌مه‌د عه‌لی ئه‌تروشی، به‌رهه‌می باشووری كوردستان .
ئه‌م میهره‌جانه‌ كه‌ كه‌نالًَی ئاسمانی زاگرۆس به‌شێوه‌یه‌كی راسته‌وخۆ ده‌یگوازته‌وه‌، لێژنه‌ی میهره‌جان خه‌ڵاتێكی تایبه‌تی به‌خشیه‌ ئه‌م كه‌ناڵه‌ و ئه‌وانیش له‌لای خۆیانه‌وه‌ خه‌ڵاتێكی تایبه‌تیان به‌خشیه‌ كورته‌ فیلمی (رادیۆ) له‌ده‌رهێنانی فه‌تحی ئێڤاری.
پاشان چه‌ند كۆمپانیایه‌كی كوردی خه‌ڵاتیان به‌خشیه‌ چه‌ند كورته‌ فیلمێكی به‌شداربووی ئه‌م میهره‌جانه‌.
فیكری به‌رۆژی ده‌رباره‌ی ئه‌م میهرجانه‌ بۆ ئاژانسی په‌یامنێر دواو گوتی وه‌‌كو سینه‌‌ماكارێك ئه‌‌نجامدانی ئه‌‌م میهره‌‌جانه‌‌ بۆ من چه‌‌ژنێكه‌‌، هیوادارم ئه‌‌م میهره‌‌جانه‌‌ به‌‌رده‌‌وامببێت، له‌‌به‌‌ر ئه‌‌وه‌‌ی میهره‌‌جانه‌‌كانی ئێمه‌‌ تائێستا هه‌‌ر یه‌‌كه‌‌مینن دواتریش دووه‌‌مینی ئه‌‌نجامنادرێت.
ده‌‌رباره‌‌ی فیلمه‌‌ نمایشكراوه‌‌كانی میهره‌‌جان به‌‌رۆژی گوتی چه‌‌ندین كورته‌‌ فیلمی جوان نمایشكران، له‌‌وانه‌‌ش كورته‌‌ فیلی (باوك)ی ده‌‌رهێنه‌‌ر هیشام زه‌‌مان، پێویسته‌‌ حكومه‌‌تی هه‌‌رێمی كوردستان كاری فیلمی بڵند بداته‌‌ ئه‌‌و ده‌‌رهێنه‌‌ره‌‌، بۆ ئه‌‌وه‌‌ی بتوانێ كاری جوانتر بكات، ئێمه‌‌ ده‌‌رهێنه‌‌ر به‌‌توانامان هه‌‌یه‌‌ كه‌‌ ده‌‌توانن ده‌‌نگی خۆیان بگه‌‌یێننه‌‌ جیهان به‌‌ڵام پێویستیان به‌‌یارمه‌‌تی هه‌‌یه‌‌، هیوادارم له‌‌ به‌‌رپرسان كه‌‌ زیاتر بایه‌‌خ به‌‌بواری سینه‌‌ما بده‌‌ن، با هۆڵی سینه‌‌ما بكرێنه‌‌وه‌‌، له‌‌به‌‌ر ئه‌‌وه‌‌ی جگه‌‌ له‌‌ سینه‌‌ماكاران هه‌‌وادارانی فیلمی سینه‌‌ماییمان زۆره‌‌ كه‌‌ حه‌‌ز ده‌‌كه‌‌ن فیلمی سینه‌‌مایی ببینن، هه‌‌روه‌‌ها پێویسته‌‌ خه‌‌ڵكی ئێمه‌‌ له‌‌سه‌‌ر رۆشنبیری سینه‌‌مایی رابهێنرێت، ئێمه‌‌ به‌‌ر له‌‌ئێستا چه‌‌ندین هۆڵی سینه‌‌ماییمان له‌‌ هه‌‌ولێر هه‌‌بووه‌‌، به‌ڵام ئێستا هه‌‌ولێر چه‌‌ند گه‌‌وره‌‌تر ده‌‌بێت هۆڵه‌‌كانی سینه‌‌ما زیاتر تێكده‌‌درێن.
ئه‌شكان ئه‌حه‌مه‌دی وه‌رگری خه‌ڵاتی چڵه‌ به‌رِوی زێرِینی میهره‌جان له‌رێگه‌ی كورته‌ فیلمی (رێبوارانی دۆڵی هه‌نار) سه‌باره‌ت به‌ خه‌ڵاته‌كان میهره‌جان گوتی رای دادوه‌ران شتێكی سه‌لیقه‌ییه‌، هه‌ر كه‌س و سه‌لیقه‌ی خۆی هه‌یه‌ن پێموایه‌ زۆر فیلمی دیكه‌ هه‌بوو كه‌ دبووایه‌ خه‌ڵاتیان وه‌رگرتبایه‌، به‌ڵام رای لێژنه‌ی دادوه‌ری له‌سه‌ر ئه‌وه‌ بووه‌ كه‌ ئه‌م چه‌ند فیلمه‌ خه‌ڵاتبكرێن، به‌ڵام ئه‌مه‌ش مانای ئه‌وه‌ نییه‌ كه‌ ئه‌وانه‌ی خه‌ڵات نه‌كراون باش نیین،پێموایه‌ كه‌ خه‌ڵات وه‌گرتن شتێكی سه‌لیقه‌ییه‌ و دادوه‌ران به‌گوێره‌ی پسپۆری و ئه‌و سینه‌ماییه‌ كه‌ ئه‌وان پێیان خۆشه‌ خه‌ڵات دابه‌شده‌كه‌ن، به‌وه‌رگرتنی ئه‌م خه‌ڵاته‌ش دڵم خۆشه‌.
فه‌تح ئێڤاری وه‌رگری برِوانامه‌ی رێزلێنان و خه‌ڵاتی كه‌ناڵی زاگرۆس تی ڤی له‌رێگه‌ی فیلمی (رادیۆ) سه‌باره‌ت به‌ خه‌ڵاته‌كان میهره‌جان گوتی ناتوانم بڵێم هه‌ڵسه‌نگاندنی لێژنه‌ی دادوه‌ری به‌شێوه‌یه‌كی باش نه‌بووه‌، له‌به‌ر ئه‌وه‌ی من نه‌متوانی خه‌ڵاتی چڵه‌ به‌رِوی زێرِینی میهره‌جان به‌ده‌ست بێنم، به‌ڵام كارێكی باش كراوه‌، لێژنه‌ی داده‌وریش چه‌ند پێوه‌رێكیان دانابوو كه‌ پێوه‌ری باش بوون.
ده‌رهێنه‌ر ژیار گوڵ له‌رێگه‌ی فیلمی (وێستگه‌ی میترۆ) توانی خه‌ڵاتی چڵه‌ به‌رِوی زێرِین له‌به‌شی فیلمه‌ به‌شداربووه‌كانی بیانی به‌ده‌ستبێنێت، ده‌رباره‌ی خه‌ڵاتی میهره‌جان و گه‌رِانه‌وه‌ی بۆ كوردستان گوتی خۆشحاڵم كه‌ له‌یه‌كه‌مین میهره‌جانی نێوده‌وڵه‌تی كورته‌ فیلمی هه‌ولێر به‌شداریده‌كه‌م و خه‌ڵات به‌ده‌ستدێنم، من له‌ وڵاتی كه‌نه‌داوه‌ بۆ كاری هاتوومه‌ته‌ ئێره‌، ئه‌گه‌ر نا من له‌وێ شوێنی حه‌وانه‌وه‌ی خۆم هه‌یه‌، ماوه‌ی بیست رۆژه‌ لێره‌م شوێنێكی باشی حه‌وانه‌وه‌م نییه‌، من بۆیه‌ هاتوومه‌ته‌ كوردستان بۆ ئه‌وه‌ی ده‌نگی میلله‌ته‌كه‌م به‌جیهان بگه‌ینم و چه‌ندین كورته‌ فیلمم به‌ زمانی ئینگلیزی له‌ ئه‌وروپا به‌رهه‌مهێناوه‌، هه‌وڵمداوه‌ چاوپێكه‌وتن له‌گه‌ڵ به‌رپرسانی كورد بكه‌م، به‌ڵام تا ئێستا رێگه‌یان پێنه‌داوم، من بۆ چه‌ند رۆژنامه‌یه‌كی جیهانی وه‌ك رۆژنامه‌نووسێك كارده‌كه‌م، به‌ڵام ته‌نها له‌به‌ر ئه‌وه‌ی به‌ كوردی قسه‌م كرد تا ئێستا رێگه‌یان پێنه‌داوم كه‌ چاوپێكه‌وتنیان له‌گه‌ڵ ئه‌نجامبده‌م، ئه‌گه‌ر رۆژنامه‌نووسێكی رۆژنامه‌ عه‌ره‌بیه‌كان بومایه‌و به‌ زمانی كوردی خۆم نه‌ناساندبایه‌، بێگومان رێگه‌یان پێده‌دام چاوپكه‌وتنیان له‌گه‌ڵ بكه‌م.
ته‌ها كه‌ریمی كه‌ به‌ كورته‌ فیلمی (كوێستانی سپی) خه‌ڵاتی چڵه‌ به‌رِوی زێرِینی به‌ده‌ستهێنا ده‌رباره‌ی خه‌ڵاته‌كانی میهره‌جان گوتی خۆشحاڵم كه‌ ئه‌م خه‌ڵاته‌م وه‌رگرتووه‌، ده‌بوایه‌ خه‌ڵات بۆ بواره‌كانی دیكه‌ فیلم ته‌رخانكرابوایه‌، ده‌كرێ بڵێن ئه‌مه‌ یه‌كێك له‌ كه‌م و كورِیه‌كانی میهره‌جان بووه‌، به‌ڵام له‌رووی فیلم و لێژنه‌ی دادوه‌ریه‌وه‌ فیلمی به‌هێز به‌دشاریانكردبوو و لێژنه‌ی دادوه‌ریش هه‌ڵسه‌نگاندنێكی باشیان كرد.
رۆلاند جه‌عدان كه‌ یه‌كێك له‌ ئه‌ندامانی لێژنه‌ی دادوه‌ری ئه‌م میهره‌جانه‌ بوو سه‌باره‌ت به‌م میهره‌جانه‌ و خه‌ڵاته‌كان گوتی ئه‌وه‌ی دیار بوو كه‌ ئێمه‌ خه‌ڵاتمان بۆ هیچ بوارێكی سینه‌مایی دیاری نه‌كردبوو، له‌به‌ر ئه‌وه‌ی فیلمه‌ كوردیه‌ به‌شداربووه‌كان ته‌نها بۆ موجامه‌له‌ خه‌ڵاتیان پێبه‌خشرا، ئه‌مه‌ش بۆ ئه‌وه‌ی ده‌رهێنه‌ری فیلمه‌كان به‌رده‌وام بن له‌كاری ده‌رهێنان و هه‌وڵی كاری باشتر بده‌ن. ئه‌م میهره‌جانه‌ هه‌ر له‌ له‌رێوره‌سمی ده‌سپێكردنی تا كۆتایش كه‌م و كورِی زۆری هه‌بوو، به‌تایبه‌تیش له‌رووی روناكیه‌وه‌، خه‌ڵاته‌كانیش ده‌بوایه‌ كه‌متر بكرابان بۆ ئه‌وه‌ی سینه‌ماكاری به‌توانامان هه‌بێت نه‌ك هه‌ر هه‌مویان خه‌ڵات وه‌ربگرن، فیلمه‌ به‌دشداربووه‌كانی میهره‌جان له‌ فیلمه‌كانی كوردی باشتر بوون، هیوادارم له‌ میهره‌جانی داهاتوو كاری باشتر بكرێ بۆ ئه‌م میهره‌جانه‌ به‌تایبه‌تیش له‌رووی رێكخستنیه‌وه‌ و ده‌بێ حكومه‌ت زیاتر هاوكار بێ بۆ ئه‌وه‌ی چاره‌سه‌ری كه‌م و كورِیه‌كان بكرێ. بۆ نموونه‌ هۆڵی نمایشكردنی فیلم زۆر سارد بوو، تۆ ئه‌گه‌ر سه‌رمات بێت چۆن ده‌توانی سه‌یری فیلم بكه‌یت، ده‌كرێ بڵێین ئه‌م میهره‌جان نه‌بوو به‌ڵكو رۆژانی نمایشكردنی كورته‌ فیلمی سینه‌مایی كوردی بوو.